𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

യുവതി വീട്ടുകിണറ്റില്‍ മരിച്ച നിലയില്‍

പഴയങ്ങാടി: മാട്ടൂല്‍ നോര്‍ത്ത് കാവിലെ പറമ്പ് ഇട്ടമ്മലില്‍ താമസിക്കുന്ന കൈപ്പാട്ടില്‍ പുതിയ പുരയില്‍ സുനിതയെ (40) വീട്ടുകിണറ്റില്‍ മരിച്ച നിലയില്‍ കണ്ടെത്തി.

വെള്ളിയാഴ്ച രാവിലെ 11 മണി മുതല്‍ കാണാതായതിനെ തുടര്‍ന്ന് അന്വേഷണത്തിനിടെ രാത്രി ഏഴുമണിയോടെയാണ് വീട്ടു കിണറ്റില്‍ മൃതദേഹം കണ്ടെത്തിയത്.

പരേതരായ കുഞ്ഞിരാമന്‍- നാരായണി ദമ്പതികളുടെ മകളാണ്. ഭര്‍ത്താവ്: തളിപ്പറമ്പ് മുള്ളൂല്‍ സ്വദേശി മഹേഷ്‌. മകന്‍: സന്ദേശ്. സഹോദരങ്ങള്‍: സുരേഷ്, സതീഷ്, രാജേഷ്, വസന്ത, പ്രമീള. ഇന്‍ക്വസ്റ്റ് നടപടികള്‍ക്കുശേഷം മൃതദേഹം കണ്ണൂര്‍ പരിയാരം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി. പോസ്റ്റുമോര്‍ട്ടത്തിനുശേഷം ശനിയാഴ്ച ഉച്ചക്ക് മാട്ടൂല്‍ സമുദായ ശ്മശാനത്തില്‍ സംസ്കരിക്കും.

ഇരിട്ടിയിൽ പറമ്പിൽ തള്ളിയ മാലിന്യം ലോറിഡ്രൈവറെക്കൊണ്ട്‌ തിരിച്ചെടുപ്പിച്ചു

ഇരിട്ടി: പായം കരിയാലിൽ സ്വകാര്യ വ്യക്തിയുടെ പറമ്പിൽ തള്ളിയ മാലിന്യം ലോറിഡ്രൈവറെക്കൊണ്ട്‌ നാട്ടുകാരും പോലീസും ചേർന്ന് തിരികെ എടുപ്പിച്ചു. ഈ മാലിന്യം എവിടെ തള്ളുമെന്നതിൽ രേഖാമൂലം വിശദീകരണം നൽകാൻ ലോറി ഡ്രൈവറോട് പോലീസ് നിർദേശിച്ചു.

മട്ടന്നൂരിൽ കട വൃത്തിയാക്കിയപ്പോഴുള്ള പ്ലാസ്റ്റിക് ഉൾെപ്പടെയുള്ള മാലിന്യമാണ്‌ പായം കരിയാലിലെ ഇലവുങ്കൽ എത്സമ്മയുടെ ഉടമസ്ഥതയിലുള്ള പഴയ ഡ്രൈവിങ്‌ ടെസ്റ്റ് ഗ്രൗണ്ടിന് എതിൽവശത്തെ ആളൊഴിഞ്ഞ പറമ്പിൽ തള്ളിയത്.

സംഭവമറിഞ്ഞ് സ്ഥലത്തെത്തിയ നാട്ടുകാർ ഇരിട്ടി പോലീസിൽ വിവരം നൽകി. ഇരിട്ടി എസ്.ഐ. ദിനേശൻ കൊതേരിയുടെ നേതൃത്വത്തിൽ സ്ഥലത്തെത്തിയ പോലീസ് മട്ടന്നൂരിലെ കാർ ഷോറൂമിലേതാണ്‌ മാലിന്യമെന്ന് കണ്ടെത്തി.

പോലീസ് സ്ഥാപന ഉടമയോട് മാലിന്യം തിരിച്ചെടുക്കാൻ നിർദേശിച്ചു. ലോറി ഡ്രൈവർ 1500 രൂപ വാങ്ങി സ്വന്തം സ്ഥലത്ത് തള്ളാമെന്നു പറഞ്ഞാണ്‌ മാലിന്യം കൊണ്ടുപോയതെന്ന്‌ മനസ്സിലായി. കണ്ണൂർ ന്യൂസ്‌ ഓൺലൈൻ. പിന്നീട്‌ ലോറി ഡ്രൈവറെ കണ്ടെത്തി പോലീസ് മാലിന്യം തിരിച്ചെടുപ്പിക്കുകയായിരുന്നു.

ജില്ലയിൽ ഇന്ന് 85 കേന്ദ്രങ്ങളില്‍ കോവി ഷീല്‍ഡ്, എട്ട് കേന്ദ്രങ്ങളില്‍ കോവാക്സിന്‍

കണ്ണൂർ : ജില്ലയില്‍ ശനി ( ഒക്ടോബര്‍ 23) 85 കേന്ദ്രങ്ങളില്‍ 18 വയസിനു മുകളില്‍ പ്രായമുള്ളവര്‍ക്ക് ഒന്നാമത്തെയും രണ്ടാമത്തെയും ഡോസ് കോവിഷില്‍ഡ് വാക്സിന്‍ നല്‍കും. എട്ട് കേന്ദ്രങ്ങളില്‍ കോവാക്സിന്‍ രണ്ടാം ഡോസ് മാത്രം ആയിരിക്കും.

എല്ലാ സ്ഥലങ്ങളിലും സ്‌പോട്ട് രജിസ്‌ട്രേഷന്‍ ആണ്. ഫോണ്‍:
8281599680, 8589978405, 8589978401, 04972700194 , 04972713437.

ജില്ലയിൽ ഇന്ന് സൗജന്യ മൊബൈല്‍ ആര്‍ടിപിസിആര്‍ പരിശോധന

കണ്ണൂർ : ജില്ലയില്‍ ശനി (ഒക്ടോബര്‍ 23) മൊബൈല്‍ ലാബ് സംവിധാനം ഉപയോഗിച്ച് സൗജന്യ കൊവിഡ് 19 ആര്‍ടിപിസിആര്‍ പരിശോധന നടത്തും.

കുറ്റൂര്‍ സാംസ്‌കാരിക നിലയം, ചപ്പാരപ്പടവ് പ്രാഥമികാരോഗ്യകേന്ദ്രം, മാട്ടൂല്‍ കുടുംബാരോഗ്യകേന്ദ്രം, തെണ്ടപറമ്പ് എല്‍പി സ്‌കൂള്‍ എന്നിവിടങ്ങളില്‍ രാവിലെ 10 മുതല്‍ ഉച്ചക്ക് രണ്ട് മണി വരെ ആണ് പരിശോധന സമയം. തുടര്‍വിദ്യ കേന്ദ്രം കല്ല്യാശ്ശേരി, ചെറുവത്തലമൊട്ട വയോജന വിശ്രമ കേന്ദ്രം, ഉദയംകുന്ന് ഹെല്‍ത്ത് സബ് സെന്റര്‍, കൂടാളി പഞ്ചായത്ത് ഹാള്‍ എന്നിവിടങ്ങളില്‍ രാവിലെ 10 മണി മുതല്‍ 12.30 വരെയും മൊറാഴ കുടുംബക്ഷേമ കേന്ദ്രം, പള്ളിക്കുന്ന് രാധാ വിലാസം യു പി സ്‌കൂള്‍, ഏലമ്പാറ എ കെ ജി വായനശാല എന്നിവിടങ്ങളില്‍ ഉച്ചക്ക് രണ്ട് മുതല്‍ നാല് മണി വരെയും പുത്തന്‍കണ്ടം അംഗനവാടി ട്രെയിനിങ് സെന്ററില്‍ രാവിലെ 10 മുതല്‍ വൈകിട്ട് മൂന്ന് മണി വരെയുമാണ് പരിശോധന.

പൊതുജനങ്ങള്‍ ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല്‍ ഓഫീര്‍ (ആരോഗ്യം) അറിയിച്ചു.

കണ്ണൂർ ജില്ലയിൽ നാളെ (23.10.2021) വൈദ്യുതി മുടങ്ങുന്ന സ്ഥലങ്ങൾ

ബര്‍ണശ്ശേരി ഇലക്ട്രിക്കല്‍ സെക്ഷനിലെ ജയന്തി റോഡ്, കുന്നത്ത് കാവ്, ഇരിഞ്ഞാറ്റവയല്‍, ചാലാട് പള്ളി, ഒയാസിസ്, പോത്തേരി സ്‌കൂള്‍ ഭാഗങ്ങളില്‍ ഒക്ടോബര്‍ 23 ശനി രാവിലെ ഒമ്പത് മണി മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

കാടാച്ചിറ ഇലക്ട്രിക്കല്‍ സെക്ഷനിലെ ഹസ്സന്‍മുക്ക്, കേളപ്പന്‍ മുക്ക്, നമ്പോലന്‍മുക്ക് ഭാഗങ്ങളില്‍ ഒക്ടോബര്‍ 23 ശനി രാവിലെ 11 മണി മുതല്‍ വൈകിട്ട് അഞ്ച് വരെയും ക്രഷര്‍ ഭാഗത്ത് രാവിലെ 7.30 മുതല്‍ 10 മണി വരെയും കാടാച്ചിറ ഹൈസ്‌കൂള്‍ ഭാഗത്ത് രാവിലെ 10 മണി മുതല്‍ ഉച്ചക്ക് ഒന്ന് വരെയും, റിലയന്‍സ് കാടാച്ചിറ ഭാഗത്ത് ഉച്ചക്ക് ഒരു മണി മുതല്‍ വൈകിട്ട് മൂന്ന് വരെയും വൈദ്യുതി മുടങ്ങും.

ഏച്ചൂര്‍ ഇലക്ട്രിക്കല്‍ സെക്ഷനിലെ ചാപ്പ, കാനച്ചേരി, കാനച്ചേരി പള്ളി ഭാഗങ്ങളില്‍ ഒക്ടോബര്‍ 23 ശനി രാവിലെ ഒമ്പത് മണി മുതല്‍ 5:30 വരെ വൈദ്യുതി മുടങ്ങും.

അഴീക്കോട് ഇലക്ട്രിക്കല്‍ സെക്ഷനിലെ പൂതപ്പാറ, ചക്കരപ്പാറ, കല്ലടത്തോട് കോളനി, കല്ലടത്തോട്, കുഞ്ഞിക്കണ്ണന്‍, പൂതപ്പാറ -2 ഭാഗങ്ങളില്‍ ഒക്ടോബര്‍ 23 ശനി രാവിലെ ഒമ്പത് മണി മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

കൊളച്ചേരി ഇലക്ട്രിക്കല്‍ സെക്ഷനിലെ കോട്ടാഞ്ചേരി കുന്ന്, ഭഗവതി കാവ്, ചേരിക്കല്‍, നാറാത്ത് ഭാഗങ്ങളില്‍ ഒക്ടോബര്‍ 23 ശനി രാവിലെ 9 .30 മണി മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

കണ്ണൂര്‍ ഇലക്ട്രിക്കല്‍ സെക്ഷനിലെ തുഞ്ചത്താചാര്യ സ്‌കൂള്‍ പരിസരം, ഒണ്ടേന്‍പറമ്പ, മടിയന്‍ മുക്ക്, എസ് എന്‍ നേഴ്‌സറി പരിസരം, എടച്ചൊവ്വ ഭാഗങ്ങളില്‍ ഒക്ടോബര്‍ 23 ശനി രാവിലെ ഒമ്പത് മണി മുതല്‍ വൈകിട്ട് 5.30 വരെ വൈദ്യുതി മുടങ്ങും.

പാടിയോട്ടുചാല്‍ ഇലക്ട്രിക്കല്‍ സെക്ഷനിലെ തട്ടുമ്മല്‍, പട്ടുവം ഭാഗങ്ങളില്‍ ഒക്ടോബര്‍ 23 ശനി രാവിലെ രാവിലെ എട്ടു മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.

വളപട്ടണം ഇലക്ട്രിക്കല്‍ സെക്ഷനിലെ പള്ളിക്കുളം ജയലക്ഷ്മി റോഡ്, ഇന്ദിരാനഗര്‍, നാലു മുക്ക്, നല്ലാഞ്ഞി മുക്ക്, കുന്നാവ് മുച്ചിലോട്ട് കാവ് ഭാഗങ്ങളില്‍ ഒക്ടോബര്‍ 23 ശനി രാവിലെ 9.30 മണി മുതല്‍ വൈകിട്ട് 5.30 വരെ വൈദ്യുതി മുടങ്ങും.

അപരിചിതരിൽ നിന്നുള്ള വീഡിയോ കാളുകൾ സ്വീകരിക്കുമ്പോൾ സൂക്ഷിക്കുക

വാട്സ് ആപ്, മെസഞ്ചർ തുടങ്ങിയവയിലെ വീഡിയോ കാളിലൂടെ കെണിയൊരുക്കി തട്ടിപ്പ് നടത്തുന്ന സംഭവങ്ങൾ അടുത്തിടെയായി റിപ്പോർട്ട് ചെയ്തുവരുന്നു. മൊബൈൽ ഫോണിലേക്ക് വരുന്ന വീഡിയോ കാൾ അറ്റൻഡ് ചെയ്താൽ മറുവശത്തു അശ്‌ളീല വീഡിയോ പ്രത്യക്ഷപ്പെടുകയും, വിൻഡോ സ്‌ക്രീനിൽ ഫോൺ അറ്റൻഡ് ചെയ്യുന്ന ആളുടെ മുഖം ഉൾപ്പെടെ റെക്കോർഡ് ചെയ്തെടുത്തതിന് ശേഷം പണം ആവശ്യപ്പെടും. നമ്മുടെ സുഹൃത്തുക്കൾക്കും ബന്ധുക്കൾക്കും ഈ വീഡിയോ അയച്ചു കൊടുക്കുമെന്ന് ഭീഷണിപ്പെടുത്തിയാകും പണം ആവശ്യപ്പെടുക.

വീഡിയോ സാമൂഹിക മാധ്യമങ്ങളിലും യുട്യൂബിലും ഇടുമെന്നും അല്ലെങ്കിൽ പണം വേണമെന്നുമാകും ആവശ്യം. ചിലർ മാനഹാനി ഭയന്ന് പണം അയച്ചു നൽകിയെങ്കിലും ഇത്തരം തട്ടിപ്പു സംഘങ്ങൾ കൂടുതൽ പണം ആവശ്യപ്പെട്ടുകൊണ്ട് വീണ്ടും ഭീഷണിപ്പെടുത്തുകയായിരുന്നുവെന്ന പരാതിയും ലഭിച്ചിട്ടുണ്ട്. ലിങ്ക് സാമൂഹിക മാധ്യമം വഴി സുഹൃത്തുക്കൾക്ക് അയക്കുമെന്ന് ഭീഷണി മുഴക്കുന്നതോടെ, ഭൂരിഭാഗം പേരും തട്ടിപ്പുകാർക്ക് വഴങ്ങും.

ഫേസ്ബുക് പോലുള്ള സമൂഹ മാധ്യമങ്ങളിലൂടെ നമ്മുടെ പൂർണ വിവരങ്ങൾ നേരത്തെ തന്നെ ഇവർ കൈവശപ്പെടുത്തിയിട്ടുണ്ടാകും. അതിനാൽ ഇവരെ ബ്ലോക്ക് ചെയ്തത് കൊണ്ടോ, നമ്മുടെ അക്കൗണ്ട് ഡി ആക്ടിവേറ്റ് ചെയ്തത് കൊണ്ടോ ഫലം ഇല്ലെന്നർത്ഥം. ഫിലിപ്പൈൻസ്, ഇന്തോനേഷ്യ തുടങ്ങിയ രാജ്യങ്ങളിലെ റാക്കറ്റുകളാണ് ഇതിൽ സജീവം.

സൂക്ഷിക്കുക.. വാട്സ് ആപ്പിലൂടെ അപരിചിതരുടെ വീഡിയോ കാളുകൾ സ്വീകരിക്കുമ്പോൾ ഇത്തരം കെണിയെക്കുറിച്ചുകൂടി ഓർക്കുക

KeralaPolice

കടന്നപ്പള്ളിയിൽ ധർമ്മശാസ്താ ക്ഷേത്രത്തിൽ മോഷണം

പരിയാരം: ക്ഷേത്രത്തിൽ ശ്രീകോവിൽ തകർത്ത് മോഷണം. കടന്നപ്പള്ളി കിഴക്കേക്കര മംഗലശേരി ശ്രീ ധർമ്മശാസ്താ ക്ഷേത്രത്തിലാണ് മോഷണം നടന്നത്. ശ്രീകോവിലിന് മുന്നിലത്തെ ഭണ്ഡാരം തകർത്ത് പണം കവർന്നു. പിക്കാസുകൊണ്ട് ശ്രീകോവിലിൻ്റെ വാതിൽ തകർത്താണ് മോഷ്ടാവ് അകത്ത് കയറിയത്.

വഴിപാടുമായി ബന്ധപ്പെട്ട് സൂക്ഷിച്ച 1600ഓളം രൂപയും മോഷണം പോയിട്ടുണ്ട്. ഇന്ന് രാവിലെ ക്ഷേത്രം കഴകക്കാരൻ പതിവുപോലെ എത്തിയപ്പോഴാണ് നാലമ്പലത്തിൻ്റെ വാതിൽ തകർത്ത നിലയിൽ കണ്ടത്. തുടർന്ന് അകത്ത് കയറി നോക്കിയപ്പോഴാണ് ശ്രീകോവിലിൻ്റെ വാതിലും ഭണ്ഡാരവും തകർത്തത് ശ്രദ്ധയിൽപ്പെട്ടത്. സമീപത്തായി ഉപേക്ഷിച്ച നിലയിൽ പിക്കാസും കണ്ടെത്തിയിട്ടുണ്ട്. തുടർന്ന് പരിയാരം പോലിസിൽ വിവരമറിയിക്കുകയായിരുന്നു.

ഭണ്ഡാരം തുറന്ന് പണമെടുത്തിട്ട് മാസങ്ങളായി. ഇതുകൊണ്ടുതന്നെ നല്ലൊരു തുക ഭണ്ഡാരത്തിൽ ഉണ്ടായിട്ടുണ്ടാവണം. മോഷ്ടാവ് ഭണ്ഡാരത്തിലെ പണം മാറ്റുന്നതിനിടെ ചില്ലറകൾ പരിസരത്ത് ചിതറിയിട്ടുണ്ട്. കണ്ണൂർ ന്യൂസ്‌ ഓൺലൈൻ പരിയാരം പോലീസ് സ്ഥലത്തെത്തി പരിശോധിച്ചു. കണ്ണൂരിൽ നിന്നും ഫോറൻസിക് വിദഗ്ധർ സ്ഥലത്തെത്തി പരിശോധന നടത്തി. കഴിഞ്ഞ കുറച്ചു ദിവസമായി പഴയങ്ങാടി മേഖലയിൽ മോഷ്ടാക്കൾ വിലസുന്നു. മാസങ്ങൾക്ക് മുമ്പ് ഏഴോം കൂറുംബ ഭഗവതി ക്ഷേത്രത്തിൻ്റെ ശ്രീകോവിലിൻ്റെ വാതിൽ കുത്തിതുറന്ന് തിരുവാഭരണം കവർന്നിരുന്നു.

യുവതിയെ കടന്നുപിടിച്ച പ്രതി അറസ്റ്റിൽ

ചെറുപുഴ : ജോലി ചെയ്യുന്ന സ്ഥാപനത്തിലേക്ക് നടന്നു പോകുകയായിരുന്ന യുവതിയെ ഓട്ടോയിൽ പോകുകയായിരുന്ന യുവാവ് കടന്നുപിടിച്ചു. പരാതിയിൽ കേസെടുത്ത ചെറുപുഴ പോലീസ് പ്രതിയെ പിടികൂടി. ചിറ്റാരിക്കാൽ പാലാവയൽ സ്വദേശിയും കാക്കയംഞ്ചാലിൽ വാടക വീട്ടിൽ താമസക്കാരനുമായ ഊരക്കനാൽ ഹൗസിൽ ഒ.വി. സിനോജിനെ (35)യാണ് ചെറുപുഴ എസ്.ഐ.എം.പി.ഷാജിയുടെ നേതൃത്വത്തിൽ എസ്.ഐ.മനോജ് കുമാർ കാനായി അറസ്റ്റു ചെയ്തത്.

ഇന്നലെ രാവിലെ 9.30 മണിയോടെ ചെറുപുഴ കരീക്കരയിലാണ് സംഭവം. ജോലിക്കു സ്ഥാപനത്തിലേക്ക് പോകുകയായിരുന്ന ഭർതൃമതിയും ഗർഭിണിയുമായ 24 കാരിയാണ് അപമാനിതയായത്. മാനഭംഗ ശ്രമത്തിനിടെ റോഡരികിലേക്ക് തള്ളിയിട്ട യുവതിയെ പരിക്കുകളോടെ ചെറുപുഴയിലെ ആശുപത്രിയിൽ പ്രവേശിച്ചു. യുവതിയുടെ മൊഴി രേഖപ്പെടുത്തിയ പോലീസ് ഇന്നലെ വൈകുന്നേരത്തോടെ പ്രതിയെ കസ്റ്റഡിയിലെടുക്കുകയായിരുന്നു. അറസ്റ്റിലായ പ്രതിയെ ഇന്ന് കോടതിയിൽ ഹാജരാക്കും

ജില്ലയില്‍ 467 പേര്‍ക്ക് കൂടി കൊവിഡ്; 445 പേര്‍ക്ക് സമ്പര്‍ക്കത്തിലൂടെ

കണ്ണൂർ : ജില്ലയില്‍ വെള്ളിയാഴ്ച (22/10/2021) 467 പേര്‍ക്ക് കൊവിഡ് പോസിറ്റീവായി. സമ്പര്‍ക്കത്തിലൂടെ 445 പേര്‍ക്കും ഇതര സംസ്ഥാനത്ത് നിന്നെത്തിയ ഏഴു പേര്‍ക്കും വിദേശത്തു നിന്നെത്തിയ രണ്ടു പേര്‍ക്കും 13 ആരോഗ്യ പ്രവര്‍ത്തകര്‍ക്കുമാണ് കൊവിഡ് സ്ഥിരീകരിച്ചത്. ടെസ്റ്റ് പോസ്റ്റിവിറ്റി നിരക്ക് :7.89%

സമ്പര്‍ക്കം മൂലം:

കണ്ണൂര്‍ കോര്‍പ്പറേഷന്‍ 39
ആന്തൂര്‍ നഗരസഭ 4
ഇരിട്ടി നഗരസഭ 8
കൂത്തുപറമ്പ് നഗരസഭ 5
മട്ടന്നൂര്‍ നഗരസഭ 5
പാനൂര്‍ നഗരസഭ 2
പയ്യന്നൂര്‍ നഗരസഭ 10
ശ്രീകണ്ഠാപുരം നഗരസഭ 8
തളിപ്പറമ്പ് നഗരസഭ 5
തലശ്ശേരി നഗരസഭ 15
ആലക്കോട് 2
അഞ്ചരക്കണ്ടി 9
ആറളം 1
അയ്യന്‍കുന്ന് 3
അഴീക്കോട് 5
ചപ്പാരപ്പടവ് 9
ചെമ്പിലോട് 4
ചെങ്ങളായി 1
ചെറുകുന്ന് 3
ചെറുപുഴ 6
ചെറുതാഴം 11
ചിറക്കല്‍ 3
ചിറ്റാരിപ്പറമ്പ് 9
ചൊക്ലി 3
ധര്‍മ്മടം 6
എരമംകുറ്റൂര്‍ 16
എരഞ്ഞോളി 1
എരുവേശ്ശി 1
ഏഴോം 5
കടമ്പൂര്‍ 9
കടന്നപ്പള്ളി-പാണപ്പുഴ 5
കതിരൂര്‍ 8
കല്യാശ്ശേരി 1
കണിച്ചാര്‍ 3
കാങ്കോല്‍-ആലപ്പടമ്പ 16
കണ്ണപുരം 5
കരിവെള്ളൂര്‍-പെരളം 4
കീഴല്ലൂര്‍ 2
കൊളച്ചേരി 5
കോളയാട് 1
കൂടാളി 5
കോട്ടയംമലബാര്‍ 7
കൊട്ടിയൂര്‍ 2
കുഞ്ഞിമംഗലം 4
കുന്നോത്തുപറമ്പ് 13
കുറുമാത്തൂര്‍ 3
കുറ്റിയാട്ടൂര്‍ 4
മാടായി 7
മലപ്പട്ടം 1
മാലൂര്‍ 4
മാങ്ങാട്ടിടം 5
മാട്ടൂല്‍ 1
മയ്യില്‍ 8
മൊകേരി 5
മുണ്ടേരി 6
മുഴക്കുന്ന് 1
മുഴപ്പിലങ്ങാട് 7
നടുവില്‍ 8
നാറാത്ത് 1
ന്യൂമാഹി 5
പടിയൂര്‍ 6
പന്ന്യന്നൂര്‍ 3
പാപ്പിനിശ്ശേരി 1
പരിയാരം 4
പാട്യം 1
പട്ടുവം 8
പായം 11
പയ്യാവൂര്‍ 6
പെരളശ്ശേരി 5
പേരാവൂര്‍ 3
പെരിങ്ങോം-വയക്കര 9
പിണറായി 10
രാമന്തളി 2
തില്ലങ്കേരി 1
തൃപ്പങ്ങോട്ടൂര്‍ 4
ഉദയഗിരി 1
ഉളിക്കല്‍ 3
വളപട്ടണം 11
കാസര്‍ഗോഡ് 1

ഇതരസംസ്ഥാനം:

കണ്ണൂര്‍ കോര്‍പ്പറേഷന്‍ 1
പയ്യാവൂര്‍ 2
പെരളശ്ശേരി 1
പിണറായി 2
തൃപ്പങ്ങോട്ടൂര്‍ 1

വിദേശത്തു നിന്നും വന്നവര്‍:

ചൊക്ലി 1
കൊളച്ചേരി 1

ആരോഗ്യപ്രവര്‍ത്തകര്‍:

കണ്ണൂര്‍ കോര്‍പ്പറേഷന്‍ 2
പാനൂര്‍ നഗരസഭ 1
ശ്രീകണ്ഠാപുരം നഗരസഭ 1
തളിപ്പറമ്പ് നഗരസഭ 1
അഞ്ചരക്കണ്ടി 1
ചെറുകുന്ന് 1
കടന്നപ്പള്ളി-പാണപ്പുഴ 1
കുറുമാത്തൂര്‍ 1
പയ്യാവൂര്‍ 1
ഉളിക്കല്‍ 2
വേങ്ങാട് 1

കുഞ്ഞിനെ പുഴയിലെറിഞ്ഞു കൊന്ന സംഭവത്തില്‍ പ്രതിയായ പിതാവിനെ ജോലിയില്‍ നിന്ന് സസ്‌പെന്‍ഡ് ചെയ്തു

കണ്ണൂർ :കൂത്തുപറമ്പില്‍ മകളെ പുഴയില്‍ എറിഞ്ഞു കൊലപ്പെടുത്തിയ സംഭവത്തില്‍ പ്രതിയായ പ്രതിയായ പിതാവിനെ ജോലിയില്‍ നിന്ന് പിരിച്ചുവിച്ചു.

തലശ്ശേരി കുടുംബ കോടതിയിലെ റിക്കാര്‍ഡ്സ് അറ്റന്‍ഡര്‍ പാട്യം പത്തായകുന്നിലെ കെ പി ഷിജുവിനെതിരെയാണ് നടപടി. മകള്‍ അന്‍വിതയെ പാത്തിപ്പാലം പുഴയില്‍ തള്ളിയിട്ടു കൊലപ്പെടുത്തി എന്നാണ് കേസ്.

കണ്ണൂര്‍ പാനൂരിലാണ് ഭാര്യയേയും കുഞ്ഞിനേയും ഭര്‍ത്താവ് പുഴയിലേക്ക് തള്ളിയിട്ടത്. സംഭവത്തില്‍ ഒന്നരവയസുകാരിയായ മകള്‍ കൊല്ലപ്പെട്ടു.