◼ കണ്ണൂർ : ജില്ലയില്‍ ചൊവ്വ  (സപ്തംബര്‍14) മൊബൈല്‍ ലാബ് സംവിധാനം ഉപയോഗിച്ച് സൗജന്യ കൊവിഡ് 19 ആര്‍ടിപിസിആര്‍ പരിശോധന നടത്തും.

കരിവെള്ളൂർ സി എച്ച് സി, ഇടമന യു പി സ്കൂൾ കണ്ടോന്താർ , സാംസ്‌കാരിക നിലയം പുന്നച്ചേരി, എഫ് ഡബ്ല്യൂ സി കോട്ടൂർ, മുള്ളൂൽ എൽ പി സ്കൂൾ, മാപ്പിള സ്കൂൾ പെരളശ്ശേരി, നജാത്ത് എൽ പി സ്കൂൾ പാനൂർ  എന്നിവിടങ്ങളിൽ രാവിലെ 10 മുതൽ വൈകിട്ട് മൂന്ന് വരെയും,

കീഴ്പ്പള്ളി ബിപിഎച്ച്സി 10 മണി മുതൽ 12:30 വരെയും,

കരുവഞ്ചാൽ ചർച്ച് പാരിഷ് ഹാൾ 10 മുതൽ ഉച്ചക്ക് ഒരു മണി വരെയും,

പുലികുരുംബ സെന്റ് ജോസഫ് യു പി സ്കൂൾ, സാംസ്‌കാരിക നിലയം ചാറൽ എന്നിവിടങ്ങളിൽ ഉച്ചക്ക് രണ്ട് മുതൽ നാല് മണി വരെയുമാണ് പരിശോധന.

പൊതുജനങ്ങള്‍ ഈ സൗകര്യം ഉപയോഗപ്പെടുത്തണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

Facebook :
https://www.facebook.com/Kannur-News-Online-100328371907972/

WhatsApp :
https://chat.whatsapp.com/G8TADekGIAaKRkd7a6IpZs

◼ കണ്ണൂർ : ജില്ലയുടെ വ്യവസായ വളര്‍ച്ചക്കുള്ള ക്രിയാത്മക നിര്‍ദേശങ്ങളും പദ്ധതി ശുപാര്‍ശകളും മുന്നോട്ട് വെച്ച് വ്യവസായ വകുപ്പ് മന്ത്രി പി രാജീവ് വിളിച്ചു ചേര്‍ത്ത എം എല്‍ എ മാരുടെ യോഗം. ‘മീറ്റ് ദ മിനിസ്റ്റര്‍’ പരിപാടിയുടെ ഭാഗമായാണ് യോഗം ചേര്‍ന്നത്. കൈത്തറി, ഖാദി മുതല്‍ ഐടി അടക്കമുള്ള ആധുനിക വ്യവസായങ്ങള്‍ വരെയുള്ള സാധ്യതകളാണ് എംഎല്‍എമാര്‍ മുന്നോട്ട് വെച്ചത്.

വിമാനത്താവളം, തുറമുഖം, ചരിത്രപരമായ പ്രത്യേകതകള്‍, അസംസ്‌കൃത വസ്തുക്കളുടെ ലഭ്യത എന്നിവക്ക് അനുസരിച്ചുള്ള സാധ്യത ഉപയോഗപ്പെട്ടത്തിയാല്‍ ജില്ലക്ക് വ്യാവസായിക മുന്നേറ്റം സാധ്യമാകുമെന്ന് എം എല്‍ എ മാര്‍ ചൂണ്ടിക്കാട്ടി. നിലവില്‍ വ്യവസായ മേഖല നേരിടുന്ന പ്രശ്‌നങ്ങളും അവര്‍ മന്ത്രിയുടെ മുമ്പാകെ അവതരിപ്പിച്ചു.

കണ്ണൂരില്‍ കൃഷി അധിഷ്ഠിത വ്യവസായങ്ങള്‍, ഭക്ഷ്യസംസ്‌ക്കരണ യൂണിറ്റുകള്‍, ഇലക്ട്രോണിക്‌സ് തുടങ്ങിയ മേഖലകളില്‍ ഊന്നിയുള്ള വ്യവസായ സംരംഭങ്ങള്‍ കൊണ്ടുവരാനുള്ള സാധ്യത ഉപയോഗപ്പെടുത്തുമെന്ന് മന്ത്രി പറഞ്ഞു. കെല്‍ട്രോണിന്റെ ആധുനികവല്‍ക്കരണത്തിന് നടപടി പുരോഗമിക്കുന്നുണ്ട്. കശുവണ്ടി, തേങ്ങ, റബ്ബര്‍, തുടങ്ങിയവ ഉപയോഗപ്പെടുത്തി പുതിയ സംരംഭങ്ങള്‍ തുടങ്ങുന്നതും ആലോചിക്കും.

കിന്‍ഫ്രയുടെ ഭൂമി ഏറ്റെടുക്കുന്ന നടപടി വേഗത്തിലാക്കാന്‍ നിര്‍ദേശിക്കും. ഭൂമിയുടെ വില നിര്‍ണയം വേഗത്തിലാക്കാന്‍ കലക്ടറോട് ആവശ്യപ്പെട്ടിട്ടുണ്ട്. വ്യവസായങ്ങള്‍ക്ക് ഭൂമി നല്‍കുന്നതിന് ഏകീകൃത രീതി ഏര്‍പ്പെടുത്താന്‍ തീരുമാനിച്ചിട്ടുണ്ട്. കണ്ണൂരിന്റെ അതിവേഗ വ്യവസായ വികസനം സര്‍ക്കാരിന്റെ ലക്ഷ്യമാണെന്നും മന്ത്രി പറഞ്ഞു.

എം എല്‍ എ മാരായ രാമചന്ദ്രന്‍ കടന്നപ്പള്ളി, കെ കെ ശൈലജ ടീച്ചര്‍, കെ പി മോഹനന്‍, അഡ്വ. സണ്ണി ജോസഫ്, കെ വി സുമേഷ്, അഡ്വ. സജീവ് ജോസഫ്, ടി ഐ മധുസൂദനന്‍, അഡ്വ. എ എന്‍ ഷംസീര്‍, എം വിജിന്‍, വ്യവസായ വകുപ്പ് പ്രിന്‍സിപ്പല്‍ സെക്രട്ടറി മുഹമ്മദ് ഹനീഷ്, കെ എസ് ഐ ഡി സി മാനേജിങ് ഡയറക്ടര്‍ എം ജി രാജമാണിക്യം, വ്യവസായ വകുപ്പ് ഡയറക്ടര്‍ എസ് ഹരികിഷോര്‍, ജില്ലാ കലക്ടര്‍ എസ് ചന്ദ്രശേഖര്‍, കിന്‍ഫ്ര മാനേജിങ് ഡയറക്ടര്‍ സന്തോഷ് കോശി തോമസ്,് വ്യവസായവകുപ്പ് ഉദ്യോഗസ്ഥര്‍ തുടങ്ങിയവര്‍ സംബന്ധിച്ചു.

◼ അന്തരിച്ച നടന്‍ റിസബാവയുടെ കൊവിഡ് പരിശോധനാഫലം പോസിറ്റീവ്. പൊതുദര്‍ശനം ഒഴിവാക്കി. കൊവിഡ് പ്രോട്ടോക്കോള്‍ അനുസരിച്ച്‌ നാളെ സംസ്‌കാരം നടക്കും.

കൊച്ചിയിലെ സ്വകാര്യ ആശുപത്രിയില്‍ ഇന്ന് വൈകിട്ടോടെയായിരുന്നു അന്ത്യം. 55 വയസ്സായിരുന്നു. വ്യക്ക സംബന്ധമായ അസുഖങ്ങളെത്തുടര്‍ന്ന് ചികില്‍സയിലായിരുന്നു. മുഖ്യമന്ത്രി പിണറായി വിജയന്‍ ഉള്‍പ്പെടെ നിരവധി പേര്‍ അദ്ദേഹത്തിന്റെ മരണത്തില്‍ അനുശോചിച്ചു.

തോപ്പുംപടി സ്വദേശിയായ നടന്‍ റിസബാവ സിദ്ധിഖ്- ലാലിന്റെ ‘ഇന്‍ ഹരിഹര്‍ നഗര്‍’ എന്ന ചിത്രത്തിലെ ജോണ്‍ ഹോനായ് എന്ന കഥാപാത്രത്തോടെയാണ് ശ്രദ്ധേയനായത്.

Facebook :
https://www.facebook.com/Kannur-News-Online-100328371907972/

WhatsApp :
https://chat.whatsapp.com/G8TADekGIAaKRkd7a6IpZs

◼ കോവിഡ് ബാധിച്ച ഒരാള്‍ ജീവനൊടുക്കിയാല്‍ നഷ്ടപരിഹാരം നല്‍കില്ല എന്ന് പറയുന്നത് അംഗീകരിക്കാനാകില്ലെന്ന് സുപ്രീംകോടതി.

കോ​വി​ഡ് ബാ​ധി​ച്ച​വ​ര്‍ ജീ​വ​നൊ​ടു​ക്കി​യാ​ല്‍ ന​ഷ്ട​പ​രി​ഹാ​രം ന​ല്‍​കി​ല്ലെ​ന്ന കേ​ന്ദ്ര​ന​യം മാ​റ്റ​ണ​മെ​ന്ന് ജ​സ്റ്റീ​സു​മാ​രാ​യ എം.​ആ​ര്‍. ഷാ, ​എ.​എ​സ്. ബൊ​പ്പ​ണ്ണ എ​ന്നി​വ​ര്‍ ഉ​ള്‍​പ്പെ​ട്ട ബെ​ഞ്ച് നി​ര്‍​ദേ​ശി​ച്ചു.

കോ​വി​ഡ് മ​ര​ണ സ​ര്‍​ട്ടി​ഫി​ക്ക​റ്റ് ന​ല്‍​കു​ന്ന​തു​മാ​യി ബ​ന്ധ​പ്പെ​ട്ട് സു​പ്രീം​കോ​ട​തി നി​ര്‍​ദേ​ശം അ​നു​സ​രി​ച്ച്‌ കേ​ന്ദ്രം മാ​ര്‍​ഗ​നി​ര്‍​ദേ​ശ​ങ്ങ​ള്‍ സ​മ​ര്‍​പ്പി​ച്ചി​രു​ന്നു. ഇ​തി​ല്‍ കോ​വി​ഡ് ബാ​ധി​ച്ചി​ട്ടും വി​ഷ​ബാ​ധ മൂ​ല​മോ, ആ​ത്മ​ഹ​ത്യ, കൊ​ല​പാ​ത​കം, ആ​പ​ക​ട​മ​ര​ണം എ​ന്നി​വ ഉ​ള്‍​പ്പ​ടെ മ​റ്റു കാ​ര​ണ​ങ്ങ​ള്‍ കൊ​ണ്ടു മ​രി​ച്ചാ​ല്‍ കോ​വി​ഡ് മ​ര​ണം ആ​യി ക​ണ​ക്കാ​ക്കി​ല്ല എ​ന്ന വ്യ​വ​സ്ഥ പു​ന​പ​രി​ശോ​ധി​ക്ക​ണം എ​ന്ന് സു​പ്രീം​കോ​ട​തി ആ​വ​ശ്യ​പ്പെ​ട്ടു.

മാര്‍ഗനിര്‍ദേശങ്ങളിലെ പ്രസ്തുത വ്യവസ്ഥ പുനഃപരിശോധിക്കാമെന്ന് സര്‍ക്കാര്‍ അറിയിച്ചു. കോവിഡ് ബാധിച്ചു മരിച്ചവരുടെ ഉറ്റവര്‍ക്കുള്ള സാമ്പത്തിക നഷ്ടപരിഹാരം നല്‍കുന്നതിനുള്ള മാര്‍ഗനിര്‍ദേശങ്ങള്‍ സെപ്റ്റംബര്‍ 23ന് ഉള്ളില്‍ സമര്‍പ്പിക്കണമെന്ന് കേന്ദ്ര സര്‍ക്കാരിനോട് സുപ്രീംകോടതി ആവശ്യപ്പെട്ടു.

കോ​വി​ഡ് മ​ര​ണ സ​ര്‍​ട്ടി​ഫി​ക്ക​റ്റി​നു​ള്ള മാ​ര്‍​ഗ നി​ര്‍​ദേ​ശ​ങ്ങ​ള്‍ ക​ഴി​ഞ്ഞ ദി​വ​സ​മാ​ണ് സ​ര്‍​ക്കാ​ര്‍ സു​പ്രീം​കോ​ട​തി​യി​ല്‍ ന​ല്‍​കി​യ​ത്. നി​ര്‍​ദേ​ശം ന​ല്‍​കി​യി​ട്ടും ഏ​റെ വൈ​കു​ന്ന​തി​ല്‍ സു​പ്രീം​കോ​ട​തി അ​തൃ​പ്തി പ്ര​ക​ടി​പ്പി​ച്ച​തി​ന് പി​ന്നാ​ലെ​യാ​ണ് ക​ഴി​ഞ്ഞ ദി​വ​സം ഇ​തു സം​ബ​ന്ധി​ച്ച സ​ത്യ​വാ​ങ്മൂ​ലം ന​ല്‍​കി​യ​ത്.

Facebook :

https://www.facebook.com/Kannur-News-Online-100328371907972/

WhatsApp :

https://chat.whatsapp.com/G8TADekGIAaKRkd7a6IpZs