𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

● മയ്യിൽ : കേരള സർക്കാർ സാംസ്കാരിക വകുപ്പും മയ്യിൽ ജനസംസ്കൃതിയും സംഘടിപ്പിക്കുന്ന ‘മയ്യിലിന്റെ സ്വന്തം ഉത്സവം’ അരങ്ങുത്സവത്തിൽ ആസ്വാദക മനം കവർന്ന് ശോഭനയുടെ നൃത്താവിഷ്കാരം അരങ്ങേറി.

ഗുരു ഗോപിനാഥ് നടന കലാ കേന്ദ്രമാണ് നൃത്താവിഷ്കാരം അരങ്ങിൽ എത്തിച്ചത്. വേദിയിൽ ഉത്സവാന്തരീക്ഷം തീർത്താണ് ശോഭനയുടെയും സംഘത്തിന്റെയും അവതരണം.

അരങ്ങുത്സവത്തിന്റെ രണ്ടാം ദിവസമായ നാളെ പ്രശസ്ത നർത്തകി കലൈമാമിനി ഗോപിക വർമ്മയുടെ നേതൃത്വത്തിൽ ഗുരു ഗോപിനാഥ് നടന കലാഗ്രാമം അവതരിപ്പിക്കുന്ന മോഹിനിയാട്ടം, അംബികാ മോഹന്റെ കേരള നടനം ഡാൻസ് ഫ്യൂഷൻ എന്നിവ അരങ്ങേറും.