𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

🔘 തളിപ്പറമ്പ് : അനര്‍ഹമായ റേഷന്‍ കാര്‍ഡുകള്‍ കണ്ടെത്താന്‍ ചപ്പാരപ്പടവ് പഞ്ചായത്ത് പരിധിയില്‍ തളിപ്പറമ്പ് താലൂക്ക് സപ്ലൈ ഓഫിസറുടെ നേതൃത്വത്തില്‍ റെയ്ഡ് നടത്തി. പരിശോധനയില്‍ അനര്‍ഹമായ 14 റേഷന്‍ കാര്‍ഡുകള്‍ പിടിച്ചെടുത്തു. ചപ്പാരപ്പടവിലെ എം.എ സ്റ്റോറില്‍ നടത്തിയ പരിശോധനയില്‍ റേഷന്‍ സാധനങ്ങള്‍ സൂക്ഷിച്ച നിലയിലും കണ്ടെത്തി.

32ലധികം വീടുകളിലാണ് താലൂക്ക് സപ്ലൈ ഓഫിസറുടെ നേതൃത്വത്തില്‍ പരിശോധന നടത്തിയത്. കൊട്ടക്കാനം, ആലത്തട്ട്, ഞാറ്റുവയല്‍ തുടങ്ങിയ പ്രദേശങ്ങളില്‍ നടത്തിയ റെയ്ഡിലാണ് അനര്‍ഹമായ ആറ് മുന്‍ഗണന കാര്‍ഡുകള്‍, രണ്ട് അന്ത്യോദയ കാര്‍ഡുകള്‍, ആറ് സബ്സിഡി കാര്‍ഡുകള്‍ എന്നിവ പിടിച്ചെടുത്തത്. വ്യാജ സത്യവാങ്മൂലം നല്‍കി അനധികൃതമായി കൈവശപ്പെടുത്തിയിട്ടുള്ള കാര്‍ഡുകള്‍ പൊതുവിഭാഗത്തിലേക്ക് മാറ്റും.

കൂടാതെ ഇവരില്‍ നിന്നും 2021 ലെ കെ.ടി.പി.ഡി.എസ് ഉത്തരവ് പ്രകാരവും അവശ്യവസ്തു നിയമം വകുപ്പ് ഏഴ്, ക്രിമിനല്‍ നടപടിച്ചട്ടം 1973 പ്രകാരവും പിഴയും ദുരുപയോഗം ചെയ്ത റേഷന്‍റ വിപണി വിലയും ഈടാക്കും. ഒരു വര്‍ഷം വരെ തടവ് ശിക്ഷ ലഭിക്കും വിധം പ്രോസിക്യൂഷന് വിധേയരാക്കും. അനര്‍ഹമായി മുന്‍ഗണന കാര്‍ഡുകള്‍ കൈവശം വെച്ച്‌ ഉപയോഗിക്കുന്നവര്‍ പിടിക്കപ്പെട്ടാല്‍ നിലവില്‍ 50,000 രൂപ മുതല്‍ ഒരു ലക്ഷം രൂപവരെയാണ് പിഴ.

ചില റേഷന്‍ സാധനങ്ങള്‍ കാര്‍ഡുടമകള്‍ പൊതുവിപണിയില്‍ വില്‍ക്കുന്നുണ്ടെന്ന രഹസ്യ വിവരം ലഭിച്ചതിനെ തുടര്‍ന്നാണ് ചപ്പാരപ്പടവിലെ എം.എ സ്റ്റോറില്‍ പരിശോധന നടത്തിയത്. ഇവിടെ നിന്നും 61.5 കിലോ റേഷന്‍ പുഴുക്കലരിയും 54 കിലോ റേഷന്‍ ഗോതമ്പുമാണ് പിടിച്ചെടുത്തത്. ഇവ തൊട്ടടുത്ത റേഷന്‍ കടയില്‍ ഏല്‍പിച്ചു. എം.എ സ്റ്റോറിനെതിരെ നടപടി സ്വീകരിക്കാന്‍ ജില്ല കലക്ടര്‍ക്ക് റിപ്പോര്‍ട്ടും സമര്‍പ്പിച്ചു.

വരും ദിവസങ്ങളിലും കര്‍ശന പരിശോധന തുടരുമെന്ന് റെയ്ഡിന് നേതൃത്വം നല്‍കിയ തളിപ്പറമ്പ് താലൂക്ക് സപ്ലൈ ഓഫിസര്‍ പി.കെ. അനില്‍ പറഞ്ഞു. റേഷനിങ് ഇന്‍സ്പെക്ടര്‍മാരായ പി.വി. കനകന്‍, എ.വി. മഞ്ജുഷ, കെ. ജെയ്സ് ജോസ് എന്നിവരും പരിശോധന സംഘത്തില്‍ ഉണ്ടായിരുന്നു.

• 🔰 ഭക്ഷണത്തിന് ദുര്‍ഗന്ധം, മലിനജലം പറമ്പിലേക്ക്; ഹോട്ടലുകള്‍ക്കെതിരെ നടപടിJune 12, 2025
• 🔰 ഉപതെരഞ്ഞെടുപ്പ്‌: വോട്ടെണ്ണല്‍ ഇന്ന്‌March 1, 2023
• 🔰 പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂടി ; വാണിജ്യ സിലിണ്ടറിന് 350 രൂപMarch 1, 2023
• 🔰 മയ്യിൽ അരങ്ങുത്സവ വേദിയിൽ നിറഞ്ഞാടി ശോഭനFebruary 28, 2023
• 🔰 റേഷന്‍കട സമയമാറ്റം നാളെ മുതല്‍; ഫെബ്രുവരിയിലെ റേഷന്‍ വിതരണം നാലുവരെ നീട്ടിFebruary 28, 2023
• കണ്ണൂർ സംസ്ഥാനത്തെ ആദ്യ ജിഐഎസ് കോര്‍പറേഷന്‍October 26, 2021
• രാജ്യത്ത് കോവിഡ് കുറയുന്നുOctober 26, 2021
• സ്കൂളില്‍ ബോംബ്: പ്രതിഷേധം വ്യാപകം, കുറ്റവാളികളെ കണ്ടെത്തി ശിക്ഷിക്കണമെന്നാവശ്യംOctober 26, 2021
• കണ്ണൂർ ജില്ലയിൽ ഇന്ന് വൈദ്യുതി മുടങ്ങുന്ന സ്ഥലങ്ങൾOctober 26, 2021
• പറശ്ശിനിക്കടവിൽ മയക്കുമരുന്ന് വേട്ട; വാരം സ്വദേശി അറസ്റ്റിൽOctober 26, 2021
• മട്ടന്നൂരിൽ വീട്ടുപറമ്പില്‍ കഞ്ചാവ് കൃഷി; മധ്യവയസ്‌കന്‍ അറസ്റ്റില്‍October 25, 2021
• പട്ടാളക്കാരൻ്റെ മൊബൈൽ ഫോണും പണവും കവർന്ന സംഭവം: കൂട്ടുപ്രതി പയ്യന്നൂരിൽ പിടിയിൽOctober 25, 2021
• ജില്ലയില്‍ ഇന്ന് 402 പേര്‍ക്ക് കൂടി കൊവിഡ്; 388 പേര്‍ക്ക് സമ്പര്‍ക്കത്തിലൂടെOctober 25, 2021
• കണ്ണൂരില്‍ സ്‌കൂളിലെ ശൗചാലയത്തില്‍ നിന്ന് ബോംബുകള്‍ കണ്ടെത്തിOctober 25, 2021
• പറശ്ശിനിക്കടവിൽ ഇന്ന് മുതൽ വിനോദ സഞ്ചാരത്തിനുള്ള വാട്ടർ ടാക്സി ഓടുംOctober 25, 2021
• ജില്ലയിൽ ആശ്വാസമായി കോവിഡ് കണക്കുകള്‍: ഒരാഴ്ച 3189 രോഗികള്‍ മാത്രം ; രോഗസ്ഥിരീകരണ നിരക്ക് 6.85 ശതമാനംOctober 25, 2021