𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

🔘 തളിപ്പറമ്പ് : പഞ്ചാബ് നാഷണല്‍ ബാങ്കില്‍ നടന്ന മുക്കുപണ്ടം തട്ടിപ്പ് കേസില്‍ ഇനിയും അറസ്റ്റുണ്ടാകുമെന്ന് സൂചന. ഇതിനകം രണ്ടുപേരാണ് കേസില്‍ അറസ്റ്റിലായിട്ടുള്ളത്. മൂന്നുപേരുടെ അറസ്റ്റ് ഉടനുണ്ടാകുമെന്നാണ് വിവരം.

ഒരു മാസമായി തളിപ്പറമ്പ് ഡിവൈ.എസ്.പി ടി.കെ. രത്നകുമാര്‍, സി.ഐ എ.വി.ദിനേശന്‍, എസ്.ഐ പി.സി. സഞ്ജയ്കുമാര്‍ എന്നിവരുടെ നേതൃത്വത്തില്‍ നടത്തിയ ശാസ്ത്രീയ അന്വേഷണത്തിലാണ് പ്രതികള്‍ പിടിയിലായത്. അഡീ. എസ്.ഐ രഘുനാഥ്, ഗ്രേഡ് എസ്.ഐമാരായ ഗണേശന്‍, റഹ്മാന്‍, സീനിയര്‍ സി.പി. ഒമാരായ അഷ്റഫ്, മുരളീധരന്‍, പ്രമോദ്, മുകേഷ് എന്നിവരും അന്വേഷണസംഘത്തിലുണ്ട്.

തൃഛംബരത്തെ പ്രവാസി ഉള്‍പ്പെടെ മൂന്നുപേരിലേക്കാണ് ഇപ്പോള്‍ അന്വേഷണം എത്തിനില്‍ക്കുന്നത്. മുക്കുപണ്ടമാണെന്ന് അറിഞ്ഞുകൊണ്ടുതന്നെ ആഭരണം പണയംവച്ച്‌ ഇവര്‍ പണം കൈക്കലാക്കിയെന്നാണ് പൊലീസ് അന്വേഷണത്തില്‍ കണ്ടെത്തിയത്. ഗള്‍ഫിലേക്ക് കടന്ന തൃച്ചംബരം സ്വദേശി മറ്റൊരാളെ കൊണ്ടാണ് ആഭരണം പണയംവെപ്പിക്കുകയായിരുന്നു.

മറ്റൊരു ബാങ്കില്‍ ആഭരണം പണയം വെക്കാമെന്ന് ഇയാള്‍ പറഞ്ഞപ്പോള്‍ പഞ്ചാബ് ബാങ്കിലെ അപ്രൈസര്‍ രമേശനെ കണ്ട് ആഭരണം നല്‍കണമെന്ന് തൃച്ചംബരം സ്വദേശി നിര്‍ദേശിക്കുകയായിരുന്നത്രെ. പിടിയിലായ രാജേന്ദ്രന്‍ നാല് അക്കൗണ്ടു കളിലും വസന്തരാജ് രണ്ട് അക്കൗണ്ടുകളിലുമായി പല തവണ മുക്കുപണ്ടം പണയം വച്ചതായി പൊലീസ് കണ്ടെത്തിയിട്ടുണ്ട്.

തളിപ്പറമ്പ് മൂത്തേടത്ത് ഹൈസ്കൂളിന് സമീപത്തെ കടയില്‍ നിന്നാണ് ഇവര്‍ മുക്കുപണ്ടം വാങ്ങിച്ചതെന്നും പൊലീസ് കണ്ടെത്തി. തട്ടിപ്പ് വിവരം പുറത്തുവന്നതിന് പിറകെ രാജേന്ദ്രന്‍ പത്ത് ലക്ഷം രൂപ അടച്ച്‌ മുക്കുപണ്ടം തിരിച്ചെടുത്തിരുന്നു. എന്നാല്‍ ഏഴുലക്ഷം രൂപ കൈക്കലാക്കിയ വസന്തരാജ് പണം തിരിച്ചടച്ചിരുന്നില്ല. പ്രതികളില്‍ പലരും ഒറ്റനമ്പര്‍ ലോട്ടറി ചൂതാട്ടത്തിലുണ്ടായ നഷ്ടം നികത്തുന്നതിനാണ് മുക്കുപണ്ട തട്ടിപ്പിലേക്ക് തിരിഞ്ഞതെന്നും അന്വേഷണസംഘം കണ്ടെത്തിയിട്ടുണ്ട്.

പിടിയിലായ ജ്വല്ലറി ഉടമ തൃച്ചംബരം വാണിയംവളപ്പില്‍ വി.വി.രാജേന്ദ്രന്‍ (62), തളിപ്പറമ്പ് രാജരാജേശ്വര ക്ഷേത്രത്തിനടുത്തു താമസിക്കുന്ന കുഞ്ഞിപ്പുരയില്‍ കെ.പി.വസന്ത രാജ് (48) എന്നിവര്‍ റിമാന്‍ഡിലാണ്.ബാങ്കിലെ അപ്രൈസര്‍ തൃച്ചംബരം സ്വദേശി വി.വി.രമേശന്‍ തട്ടിപ്പ് പുറത്തായതിന് പിന്നാലെ ജീവനൊടുക്കിയിരുന്നു.

• 🔰 ഭക്ഷണത്തിന് ദുര്‍ഗന്ധം, മലിനജലം പറമ്പിലേക്ക്; ഹോട്ടലുകള്‍ക്കെതിരെ നടപടിJune 12, 2025
• 🔰 ഉപതെരഞ്ഞെടുപ്പ്‌: വോട്ടെണ്ണല്‍ ഇന്ന്‌March 1, 2023
• 🔰 പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂടി ; വാണിജ്യ സിലിണ്ടറിന് 350 രൂപMarch 1, 2023
• 🔰 മയ്യിൽ അരങ്ങുത്സവ വേദിയിൽ നിറഞ്ഞാടി ശോഭനFebruary 28, 2023
• 🔰 റേഷന്‍കട സമയമാറ്റം നാളെ മുതല്‍; ഫെബ്രുവരിയിലെ റേഷന്‍ വിതരണം നാലുവരെ നീട്ടിFebruary 28, 2023
• കണ്ണൂർ സംസ്ഥാനത്തെ ആദ്യ ജിഐഎസ് കോര്‍പറേഷന്‍October 26, 2021
• രാജ്യത്ത് കോവിഡ് കുറയുന്നുOctober 26, 2021
• സ്കൂളില്‍ ബോംബ്: പ്രതിഷേധം വ്യാപകം, കുറ്റവാളികളെ കണ്ടെത്തി ശിക്ഷിക്കണമെന്നാവശ്യംOctober 26, 2021
• കണ്ണൂർ ജില്ലയിൽ ഇന്ന് വൈദ്യുതി മുടങ്ങുന്ന സ്ഥലങ്ങൾOctober 26, 2021
• പറശ്ശിനിക്കടവിൽ മയക്കുമരുന്ന് വേട്ട; വാരം സ്വദേശി അറസ്റ്റിൽOctober 26, 2021