𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

🔘 തളിപ്പറമ്പ് : പഞ്ചാബ് നാഷണല്‍ ബാങ്കില്‍ മുക്കുപണ്ടം പണയപ്പെടുത്തി പണം തട്ടിയ കേസില്‍ രണ്ടുപേര്‍ പിടിയിലായി. തൃച്ചംബരം സ്വദേശികളായ വി വി രാജേന്ദ്രന്‍ (62), കെ പി വസന്തരാജ് (42) എന്നിവരാണ് അറസ്റ്റിലായത്. നാലുതവണയായി മുക്കുപണ്ടം പണയപ്പെടുത്തിയ രാജേന്ദ്രന്‍ 10 ലക്ഷം രൂപ വാങ്ങിയതായി പൊലീസ് കണ്ടെത്തിയിരുന്നു. വസന്തരാജ് രണ്ട്‌ തവണയായി നാലുലക്ഷം രൂപയാണ് ബാങ്കില്‍നിന്ന്‌ എടുത്തത്. തട്ടിപ്പ് വിവരം പുറത്ത് വന്നതോടെ ഇരുവരും പണം തിരിച്ചടച്ചു.

തളിപ്പറമ്പില്‍ മുക്കുപണ്ടം വില്‍ക്കുന്ന കടയില്‍ നിന്നാണ് പണയം വെയ്ക്കാനുള്ള ആഭരണങ്ങള്‍ വാങ്ങിയത് എന്ന് പൊലീസ് കണ്ടെത്തി. ബാങ്കില്‍ പണയം വെച്ച മുക്കുപണ്ടങ്ങള്‍ മുഴുവനായും കസ്റ്റഡിയിലെടുത്ത് പൊലീസ് കോടതിയില്‍ ഹാജരാക്കിയിരുന്നു. ഒരു മാസത്തിലധികം നീണ്ട് നിന്ന അന്വേഷണത്തിനൊടുവിലാണ് ഇരുവരും പിടിയിലായത്. എസ് ഐ പി സി സഞ്ജയകുമാറാണ് പ്രതികളെ അറസ്റ്റ് ചെയ്തത്. കേസില്‍ കൂടുതല്‍ പേര്‍ അറസ്റ്റിലാകുമെന്ന സൂചനയും പോലീസ് നല്‍കുന്നു.

കഴിഞ്ഞ മൂന്ന് വര്‍ഷ കാലയളവിലായാണ് ബാങ്കില്‍ മുക്ക് പണ്ടങ്ങള്‍ പണം വെയ്ച്ചുള്ള തട്ടിപ്പ് നടന്നത് എന്നാണ് അന്വേഷണ സംഘം കരുതുന്നത്. ഈ കാലയളില്‍ ബാങ്കില്‍ പ്രവര്‍ത്തിച്ച മാനേജര്‍മാരുടെയും ജീവനക്കാരുടെയും മൊഴികള്‍ പൊലീസ് രേഖപ്പെടുത്തിയിരുന്നു. ബാങ്ക് ശാഖയില്‍ മൊത്തം 17 പണയങ്ങളിലായി 50 ലക്ഷത്തോളം രൂപയാണ് മുക്കുപണ്ടംവെച്ച്‌ തട്ടിയെടുത്തത് എന്നാണ് വ്യക്തമായിട്ടുള്ളത്. ബാങ്കിലെ സ്വര്‍ണ പരിശോധകനായിരുന്ന തൃച്ചംബരം സ്വദേശി ടി വി രമേശനെ കഴിഞ്ഞ മാസം വീടിന് സമീപത്തെ ഉപയോഗശൂന്യമായ കിണറ്റില്‍ മരിച്ച നിലയില്‍ കണ്ടെത്തിയിരുന്നു.

തളിപ്പറമ്പ് ഡിവൈ എസ് പി. ടി കെ രത്‌നകുമാര്‍, സി ഐ എ വി ദിനേശന്‍ എന്നിവരുടെ മേല്‍നോട്ടത്തില്‍ മുക്കുപണ്ടത്തട്ടിപ്പ് കേസന്വേഷണം പുരോഗമിക്കുന്നത്.

𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ വാർത്തകൾ വേഗത്തിൽ ലഭിക്കാൻ WhatsApp ഗ്രൂപ്പിൽ അംഗമാകൂ.
https://chat.whatsapp.com/G8TADekGIAaKRkd7a6IpZs

• 🔰 ഭക്ഷണത്തിന് ദുര്‍ഗന്ധം, മലിനജലം പറമ്പിലേക്ക്; ഹോട്ടലുകള്‍ക്കെതിരെ നടപടി
• 🔰 ഉപതെരഞ്ഞെടുപ്പ്‌: വോട്ടെണ്ണല്‍ ഇന്ന്‌
• 🔰 പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂടി ; വാണിജ്യ സിലിണ്ടറിന് 350 രൂപ
• 🔰 മയ്യിൽ അരങ്ങുത്സവ വേദിയിൽ നിറഞ്ഞാടി ശോഭന
• 🔰 റേഷന്‍കട സമയമാറ്റം നാളെ മുതല്‍; ഫെബ്രുവരിയിലെ റേഷന്‍ വിതരണം നാലുവരെ നീട്ടി
• കണ്ണൂർ സംസ്ഥാനത്തെ ആദ്യ ജിഐഎസ് കോര്‍പറേഷന്‍
• രാജ്യത്ത് കോവിഡ് കുറയുന്നു
• സ്കൂളില്‍ ബോംബ്: പ്രതിഷേധം വ്യാപകം, കുറ്റവാളികളെ കണ്ടെത്തി ശിക്ഷിക്കണമെന്നാവശ്യം
• കണ്ണൂർ ജില്ലയിൽ ഇന്ന് വൈദ്യുതി മുടങ്ങുന്ന സ്ഥലങ്ങൾ
• പറശ്ശിനിക്കടവിൽ മയക്കുമരുന്ന് വേട്ട; വാരം സ്വദേശി അറസ്റ്റിൽ
• മട്ടന്നൂരിൽ വീട്ടുപറമ്പില്‍ കഞ്ചാവ് കൃഷി; മധ്യവയസ്‌കന്‍ അറസ്റ്റില്‍
• പട്ടാളക്കാരൻ്റെ മൊബൈൽ ഫോണും പണവും കവർന്ന സംഭവം: കൂട്ടുപ്രതി പയ്യന്നൂരിൽ പിടിയിൽ
• ജില്ലയില്‍ ഇന്ന് 402 പേര്‍ക്ക് കൂടി കൊവിഡ്; 388 പേര്‍ക്ക് സമ്പര്‍ക്കത്തിലൂടെ
• കണ്ണൂരില്‍ സ്‌കൂളിലെ ശൗചാലയത്തില്‍ നിന്ന് ബോംബുകള്‍ കണ്ടെത്തി
• പറശ്ശിനിക്കടവിൽ ഇന്ന് മുതൽ വിനോദ സഞ്ചാരത്തിനുള്ള വാട്ടർ ടാക്സി ഓടും
• ജില്ലയിൽ ആശ്വാസമായി കോവിഡ് കണക്കുകള്‍: ഒരാഴ്ച 3189 രോഗികള്‍ മാത്രം ; രോഗസ്ഥിരീകരണ നിരക്ക് 6.85 ശതമാനം