𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

◼ തളിപ്പറമ്പ് : ഓരോരുത്തരേയും ആത്മാഭിമാനത്തോടെ ജീവിക്കാന്‍ പ്രാപ്തമാക്കുന്ന പദ്ധതികളാണ് സംസ്ഥാന സര്‍ക്കാര്‍ നടപ്പാക്കുന്നതെന്നും അര്‍ഹതയുള്ള മുഴുവന്‍ പേര്‍ക്കും ഭൂമിയും രേഖയും എന്നത് അതിന്‍റെ ഭാഗമാണെന്നും തദ്ദേശ സ്വയംഭരണ എക്‌സൈസ് മന്ത്രി എം.വി. ഗോവിന്ദന്‍. സംസ്ഥാന സര്‍ക്കാരിന്‍റെ നൂറു ദിന കര്‍മപരിപാടിയിലുള്‍പ്പെടുത്തി സംഘടിപ്പിച്ച പട്ടയമേളയുടെ ജില്ലാതല ഉദ്ഘാടനം തളിപ്പറമ്പ് താലൂക്ക് കോണ്‍ഫറന്‍സ് ഹാളില്‍ ഓണ്‍ലൈനായി നിര്‍വഹിച്ചു പ്രസംഗിക്കുകയായിരുന്നുഅദ്ദേഹം.

അനര്‍ഹമായി കൈവശം വച്ച ഭൂമി പിടിച്ചെടുത്ത് ഭൂരഹിതര്‍ക്ക് വിതരണം ചെയ്യണമെന്നും അത്തരക്കാരെ കണ്ടെത്താനുള്ള നടപടികള്‍ സര്‍ക്കാര്‍ സ്വീകരിക്കുന്നുണ്ടെന്നും മന്ത്രി പറഞ്ഞു.

ലാന്‍ഡ് ട്രൈബ്യൂണല്‍ പട്ടയം 805, ലക്ഷം വീട് പദ്ധതി പ്രകാരം ഭൂമികൈവം വച്ചവര്‍ക്കുള്ള പട്ടയം 18, ദേവസ്വം ഭൂമി പട്ടയം രണ്ട്, ഭൂരഹിത കര്‍ഷക തൊഴിലാളികള്‍ക്ക് നല്‍കുന്ന മിച്ചഭൂമി പട്ടയം അഞ്ച് എന്നിങ്ങനെയാണ് ജില്ലയില്‍ വിതരണം ചെയ്ത പട്ടയങ്ങള്‍. തളിപ്പറമ്പില്‍ സജീവ് ജോസഫ് എംഎല്‍എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്‍റ് പി.പി. ദിവ്യ വിശിഷ്ടാതിഥിയായിരുന്നു.

തളിപ്പറമ്പ് ബ്ലോക്ക് പഞ്ചായത്ത് പ്രസിഡന്‍റ് സി.എം. കൃഷ്ണന്‍, ഇരിക്കൂര്‍ ബ്ലോക്ക് പഞ്ചായത്ത് പ്രസിഡന്‍റ് റോബര്‍ട്ട് ജോര്‍ജ്, എഡിഎം കെ.കെ. ദിവാകരന്‍, തളിപ്പറമ്ബ് ആര്‍ഡിഒ ഇ.പി.മേഴ്‌സി, തഹസില്‍ദാര്‍ പി.കെ. ഭാസ്‌കരന്‍, മറ്റ് രാഷ്ട്രീയ പാര്‍ട്ടി പ്രതിനിധികള്‍ എന്നിവര്‍ പങ്കെടുത്തു.

ഇരിട്ടി: ഇരിട്ടി താലൂക്കില്‍ 98 കുടുംബങ്ങള്‍ക്കാണ് പട്ടയം അനുവദിച്ചത്. ഇരിട്ടി താലൂക്ക് ഓഫീസ് അങ്കണത്തില്‍ നടന്ന ചടങ്ങില്‍ സണ്ണിജോസഫ് എംഎല്‍എ പട്ടയ വിതരണം നിര്‍വഹിച്ചു. ചനഗരസഭാ ചെയര്‍ പേഴ്‌സണ്‍ കെ.ശ്രീലത അധ്യക്ഷത വഹിച്ചു.

കെ.കെ ശൈലജ എംഎല്‍എ, ഇരിട്ടിബ്ലോക്ക് പഞ്ചായത്ത് പ്രസിഡന്‍റ് കെ.വേലായുധന്‍ , നഗരസഭാ കൗണ്‍ലിലര്‍ വി.പി അബ്ദുള്‍ റഷീദ്, വിവിധ രാഷ്ട്രീയ പാര്‍ട്ടി പ്രതിനിധികളായ കെ.ശ്രീധരന്‍, തോമസ് വര്‍ഗീസ്, ബാബുരാജ് പായം, ഇബ്രാഹിം മുണ്ടേരി, ബെന്നിച്ചന്‍ മഠത്തിനകം, കെ.മുഹമ്മദലി, വത്സന്‍ അത്തിക്കല്‍, താജുദ്ദീന്‍ മട്ടന്നൂര്‍, എ.കെ ഇബ്രാഹിം, ജയ്‌സണ്‍ ജീരകശേരി, കെ.ഷാജി തഹസില്‍ദാര്‍ സി.വി പ്രകാശന്‍, ലാന്‍ഡ് ട്രൈബ്യൂണല്‍ സ്‌പെഷല്‍ തഹസില്‍ദാര്‍ കെ.എഫ്. യാസിര്‍ഖാന്‍ എന്നിവര്‍ പ്രസംഗിച്ചു.

പയ്യന്നൂര്‍: പയ്യന്നൂര്‍ താലൂക്ക് പരിധിയില്‍ 164 പട്ടയങ്ങള്‍ വിതരണം ചെയ്യേണ്ടതില്‍ 32 എണ്ണം മേളയില്‍ വിതരണം ചെയ്‌തു. ബാക്കിയുള്ളവ പിന്നീട് വിതരണം ചെയ്യും. പയ്യന്നൂര്‍ നഗരസഭ ഹാളില്‍ ടി. ഐ. മധുസൂദനന്‍ എംഎല്‍എ ഉദ്ഘാടനം ചെയ്‌തു. നഗരസഭ വൈസ് ചെയര്‍മാന്‍ പി.വി. കുഞ്ഞപ്പന്‍ അധ്യക്ഷത വഹിച്ചു. രാജ്മോഹന്‍ ഉണ്ണിത്താന്‍ എംപി ഓണ്‍ലൈനായി പങ്കെടുത്തു.

എം.വിജിന്‍ എംഎല്‍എ, ജില്ലാ കളക്ടര്‍ എസ്. ചന്ദ്രശേഖരന്‍ എന്നിവര്‍ മുഖ്യാതിഥികളായിരുന്നു. കെ.വി. ബാബു, വി. സി. നാരായണന്‍, വി.കെ.പി. ഇസ്‌മയില്‍, കെ.സി. ലതികേഷ്, എം.ടി.പി. ഫാറൂഖ്, ടി.ടി.വി. കുഞ്ഞികൃഷ്‌ണന്‍, ജോയി വിളക്കുന്നേല്‍, പി. ജയന്‍, തഹസില്‍ദാര്‍ കെ. ബാലഗോപാലന്‍ തഹസില്‍ദാര്‍ (ഭൂരേഖ) എസ്. അനില്‍കുമാര്‍ എന്നിവര്‍ പ്രസംഗിച്ചു. പെരിന്തട്ട പുഴയില്‍ കുളിക്കുന്നതിനിടെ ശക്തമായ അടിയൊഴുക്കില്‍പ്പെട്ട് മരിച്ച പുറക്കുന്നിലെ കെ. മഹേഷിന് സംസ്ഥാന ദുരന്തനിവാരണ നിധിയില്‍ നിന്നും അനുവദിച്ച നാല് ലക്ഷം രൂപ ഭാര്യ എം. ശ്രീവിദ്യക്ക് ടി.ഐ. മധുസൂദനന്‍ എംഎല്‍എ കൈമാറി.

കൂത്തുപറമ്പ് : സിറ്റി ഓഡിറ്റോറിയത്തില്‍ നടന്ന തലശ്ശേരി താലൂക്ക് പട്ടയമേളയില്‍ കൂത്തുപറമ്പ് നഗരസഭാധ്യക്ഷ വി.സുജാത അധ്യക്ഷത വഹിച്ചു. കെ.പി. മോഹനന്‍ എംഎല്‍എ പട്ടയം വിതരണം ചെയ്തു. കെ. മുരളീധരന്‍ എംപി മുഖ്യാതിഥിയായിരുന്നു.

• 🔰 ഭക്ഷണത്തിന് ദുര്‍ഗന്ധം, മലിനജലം പറമ്പിലേക്ക്; ഹോട്ടലുകള്‍ക്കെതിരെ നടപടി
• 🔰 ഉപതെരഞ്ഞെടുപ്പ്‌: വോട്ടെണ്ണല്‍ ഇന്ന്‌
• 🔰 പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂടി ; വാണിജ്യ സിലിണ്ടറിന് 350 രൂപ
• 🔰 മയ്യിൽ അരങ്ങുത്സവ വേദിയിൽ നിറഞ്ഞാടി ശോഭന
• 🔰 റേഷന്‍കട സമയമാറ്റം നാളെ മുതല്‍; ഫെബ്രുവരിയിലെ റേഷന്‍ വിതരണം നാലുവരെ നീട്ടി