𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ

◼ കെപിസിസി പ്രസിഡന്‍റ് കെ. സുധാകരനെ അതിരൂക്ഷമായി വിമര്‍ശിച്ച് കോൺഗ്രസ് വിട്ട് സിപിഎമ്മിലെത്തിയ കെ.പി അനില്‍കുമാർ. ഇന്ദിരാ ഗാന്ധിയുടെ ചിതാഭസ്മം നിമജ്ജനം ചെയ്തപ്പോൾ പയ്യാമ്പലം ബീച്ച് മലിനമായെന്ന് പറഞ്ഞയാളാണ് കെ.സുധാകരൻ. ആ സുധാകരനാണ് ഇപ്പോള്‍ കെപിസിസി അധ്യക്ഷനെന്നും കെ. പി. അനില്‍ കുമാര്‍ കുറ്റപ്പെടുത്തി.

തിരുവനന്തപുരത്ത് നിന്നെത്തിയ ശേഷം കോഴിക്കോട്ടെ സിപിഎം ജില്ലാ കമ്മിറ്റി ഓഫീസില്‍ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അനിൽകുമാർ. സുധാകരന് സംഘപരിവാർ മനസാണെന്നും അനിൽകുമാർ ആരോപിച്ചു. സംഘ്പരിവാര്‍ തന്നെ വിളിച്ചെന്ന് സുധാകരന്‍ തന്നെ സമ്മതിച്ചതാണ്. ബിജെപിക്ക് എന്താണ് പ്രശ്‌നമെന്നാണ് സുധാകരന്‍ ചോദിച്ചു.

എ.കെ. ആന്‍റണിയെ മുക്കാലില്‍ക്കെട്ടി അടിക്കണമെന്ന് പറഞ്ഞ, സോണിയാ ഗാന്ധിയെ മദാമ എന്ന് വിളിച്ച, അഹമ്മദ് പട്ടേലിനെ അലുമിനിയം പട്ടേല്‍ എന്ന് വിളിച്ച കെ. മുരളീധരന്‍ തന്നെ പാര്‍ട്ടി അച്ചടക്കം പഠിപ്പിക്കേണ്ടെന്നും അനിൽ കുമാർ പറഞ്ഞു. ടി. സിദ്ദീഖ് തന്നെ രാഷ്ട്രീയം പഠിപ്പിക്കേണ്ട. സിദ്ദീഖിന്‍റെ നിലപാട് നാട്ടുകാര്‍ക്കറിയാം അദ്ദേഹം പറഞ്ഞു.

ഇനിയും കൂടുതല്‍ ആളുകള്‍ കോണ്‍ഗ്രസില്‍ നിന്ന് സിപിഎമ്മിലേക്ക് വരും. ആത്മാഭിമാനുള്ള പ്രവര്‍ത്തകര്‍ കോണ്‍ഗ്രസ് വിടും. കോണ്‍ഗ്രസില്‍ ഒരു സ്ഥാനവും താന്‍ ആഗ്രഹിച്ചിട്ടില്ല. അവഗണനകള്‍ മാത്രമാണ് അവിടെ ഉണ്ടായത്. കോണ്‍ഗ്രസ് തന്നെ ജീവനോടെ വെട്ടിക്കൊല്ലുകയായിരുന്നു. നേരത്തെ സിപിഎമ്മിലേക്ക് വരേണ്ടതായിരുന്നു. സിപിഎമ്മിലുള്ളത് ആത്മാഭിമാനമുള്ള പ്രവര്‍ത്തകരാണ്.

കമ്മ്യൂണിസ്റ്റ് വിരോധമാണ് കോണ്‍ഗ്രസിന്‍റെ മുഖമുദ്ര. പെട്ടിയെടുപ്പുകാര്‍ക്കാണ് അവിടെ പരിഗണന. ഫാസിസ്റ്റ് കാലത്ത് കോണ്‍ഗ്രസ് വെറും കാഴ്ച്ചക്കാര്‍ മാത്രമാണ്. സിപിഎമ്മില്‍ പാര്‍ട്ടി ഏല്‍പ്പിക്കുന്ന ഏത് ഉത്തരവാദിത്തവും സന്തോഷത്തോടെ നിറവേറ്റുമെന്നും കെ.പി. അനില്‍കുമാര്‍ പറഞ്ഞു. രാവിലെ തിരുവനന്തപുരത്ത് നിന്നെത്തിയ അനില്‍കുമാറിനെ റെയില്‍വേ സ്‌റ്റേഷനിലും തുടര്‍ന്ന് സിപിഎം ജില്ലാ കമ്മിറ്റി ഓഫീസിലും പാര്‍ട്ടി പ്രവര്‍ത്തകര്‍ സ്വീകരിച്ചു.

കഴിഞ്ഞദിവസമാണ് കെ.പി. അനില്‍ കുമാര്‍ കോണ്‍ഗ്രസ് വിട്ട് സിപിഐഎമ്മില്‍ ചേര്‍ന്നത്. കോടിയേരി ബാലകൃഷ്ണന്‍റെ സാന്നിധ്യത്തിലായിരുന്നു അനില്‍കുമാറിന്‍റെ സിപിഎം പ്രവേശനം. കെ.പി. അനില്‍കുമാറിനെ പുറത്താക്കാന്‍ തീരുമാനിച്ചിരുന്നുവെന്നും അതില്‍ പുനഃരാലോചന ഇല്ലെന്നുമായിരുന്നു കെ.സുധാകരന്‍റെ പ്രതികരണം.

കെ. പി. അനില്‍കുമാറിന് കോഴിക്കോട് ഡിസിസി പ്രസിഡന്‍റ് സ്ഥാനം കിട്ടാത്തതില്‍ നിരാശയുണ്ടെന്നും പ്രസിഡന്‍റ് ആക്കണം എന്ന് അനില്‍ ആവശ്യപ്പെട്ടിരുന്നുവെന്നും സുധാകരന്‍ പറഞ്ഞിരുന്നു.

𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ വാർത്തകൾ വേഗത്തിൽ ലഭിക്കാൻ WhatsApp ഗ്രൂപ്പിൽ അംഗമാകൂ.
https://chat.whatsapp.com/G8TADekGIAaKRkd7a6IpZs

• 🔰 ഭക്ഷണത്തിന് ദുര്‍ഗന്ധം, മലിനജലം പറമ്പിലേക്ക്; ഹോട്ടലുകള്‍ക്കെതിരെ നടപടി
• 🔰 ഉപതെരഞ്ഞെടുപ്പ്‌: വോട്ടെണ്ണല്‍ ഇന്ന്‌
• 🔰 പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂടി ; വാണിജ്യ സിലിണ്ടറിന് 350 രൂപ
• 🔰 മയ്യിൽ അരങ്ങുത്സവ വേദിയിൽ നിറഞ്ഞാടി ശോഭന
• 🔰 റേഷന്‍കട സമയമാറ്റം നാളെ മുതല്‍; ഫെബ്രുവരിയിലെ റേഷന്‍ വിതരണം നാലുവരെ നീട്ടി
• കണ്ണൂർ സംസ്ഥാനത്തെ ആദ്യ ജിഐഎസ് കോര്‍പറേഷന്‍
• രാജ്യത്ത് കോവിഡ് കുറയുന്നു
• സ്കൂളില്‍ ബോംബ്: പ്രതിഷേധം വ്യാപകം, കുറ്റവാളികളെ കണ്ടെത്തി ശിക്ഷിക്കണമെന്നാവശ്യം
• കണ്ണൂർ ജില്ലയിൽ ഇന്ന് വൈദ്യുതി മുടങ്ങുന്ന സ്ഥലങ്ങൾ
• പറശ്ശിനിക്കടവിൽ മയക്കുമരുന്ന് വേട്ട; വാരം സ്വദേശി അറസ്റ്റിൽ
• മട്ടന്നൂരിൽ വീട്ടുപറമ്പില്‍ കഞ്ചാവ് കൃഷി; മധ്യവയസ്‌കന്‍ അറസ്റ്റില്‍
• പട്ടാളക്കാരൻ്റെ മൊബൈൽ ഫോണും പണവും കവർന്ന സംഭവം: കൂട്ടുപ്രതി പയ്യന്നൂരിൽ പിടിയിൽ